Li Hannoverê çalakiyên piştevaniya ji bo Rojava dewam dikin
Di çalakiyên ku li Hannoverê bi armanca piştevaniya bi gelê Kurd re hatin lidarxistin de, zext û êrîşên li ser Rojava hatin protestokirin.
Li bajarê Hannover ê Elmanyayê, çalakiyên bi armanca piştevaniya bi Rojava re dewam dikin. Meşa ku bi tevlîbûna dostên Kurdan hate lidarxistin, bi berzkirina dirûşmeyan dewam kir.
Di tevahiya meşê de dirûşmeyên, “Jin, jiyan, azadî”, “Bijî berxwedana YPG” û “Bijî berxwedana Rojava” hatin berzkirin. Di axaftinan de hate destnîşankirin ku ew ê heta azadiya gelê Kurd û gelê Rojava qadan neterikînin.
