Roja 6’ê Sibatê Duşemê di saet 17.00’an de li Rotûaarî ya li navenda Oûlûyê, wê ji bo azadiya Rêberê Gelê Kurd Abdullah Ocalan meşa dirêj bê lidarxistin. Komîteya amadekar a meşê diyar kir ku êrîşên qirkirinê yên dewleta Tirk, ji tavîzdayîna demokrasiyê ya hikûmeta Fînlandiya ya ji bo bibe endamê NATO’yê û peymanên çekan ên bi dewleta Tirk re wê bê protestokirin û got ku demokrasî nayê firotin.

Di daxuyaniyê bal hat kişandina ser êrîşên dagirkeriyê yên dewleta Tirk û hat gotin ku rejîma faşîst a li Tirkiyeyê mafên mirovan binpê dike.

Komîteya amadekar helwesta hikûmeta Fînlandiyayê ya li beramber Erdogan rexne kir û destnîşan kir ku divê Erdogan di Dadgeha Cezayê ya Navneteweyî de, bê darizandin.

‘FÎNLANDIYAYÊ HIQÛQA NAVNETEWEYÎ BINPÊ KIR’

Di daxuyaniyê hat diyarkirin ku Fînlandiyayê hiqûqa YE’yê binpê kiriye û wiha hat gotin: “Fînlandiyayê bi qebûlkirina daxwaza radestkirinê ya Tirkiyeyê, hiqûqa YE’yê û mafên mirovan a navneteweyî, binpê kir. Li gorî rêxistinên mafên mirovan a navneteweyî, li girtîgehên li Tirkiyeyê êşkence zêde bûye.”

DAXWAZ: DEMOKRASIYÊ BIPARÊZE, BILA OCALAN AZAD BIBE

Di daxuyaniyê de daxwazên çalakvanan wiha hat rêzkirin: “Erdogan ji Havîna borî û vir ve ji bo Fînlandiya endamtiya NATO’yê erê bike, şantajê dike. Herî dawî ji bo ku Fînlandiya bi Swêdê re ‘heman şaşitiyan’ neke gefên sergirtî, lê xwar. Daxwazên me wihan e:

1. Fînlandiya divê di ti şert û mercan de li ser israra Tirkiyeyê yan jî ya yekê din, ji polîtîkayên xwe yên azadî, demokrasî û mafên mirovan tavîzê nede.
2. Fînlandiya divê serî li ber şantajên Erdogan netewîne û bi awayek eşkere li dijî derewên Erdogan ê di asta hikûmet, medya û civaka sivîl de rabibe.
3. Tirkiye divê hemû girtiyên siyasî berde. Divê Abdullah Ocalan ê ev 23 sal in li Tirkiyeyê girtî ye bê berdan, ji bo Kurd bi xwe çarenûsa xwe diyar bikin pêvajoyek demokratîk bê destpêkirin.
4. Divê qirkirin û sûcên şer ên rejîma Erdogan bê şermezarkirin û pêşî li sûcên nû bê girtin.”