Li herêma Armavîrê ya Ermenistanê 27'emîn salvegera komploya navneteweyî ya li dijî Rêber Apo, bi daxuyaniya çapemeniyê hate şermezarkirin.

Di daxuyanê de endamê Kurdistan Komîte Mîlo Kelaşyan û ji tevgera ciwanan Ponçû Silavîk axivîn.

Mîlo Kelaşyan got, "Em weke gelê kurd li Ermenistanê komplogeran şermezar dikin û dibêjin hûnê bi van kirinên xwe nên nemirovane nikaribin me bêdeng bikin. Gelê Kurd îro bi fikra Rêber Apo xwe bi rêxistin kiriye û yekîtiya xwe çêkiriyê."

Kelaşyan bi dewamî got, "Em weke civaka li Ermenistanê heta azadiya fîzîkî ya Rêber Apo em ê tekoşîna xwe bikin. Rêber Apo ji bo gelê Kurd û mirovahiyê her tişt kir. Ji ber wê îro bi mîlyonan gelê Kurd û gelên azadîxwaz wî Serokê xwe dibînin. Em carek din vê roja reş şermezar dikin û dibêjin we kes nikar roja me tarî bike û em berxwedan û tekoşîna Rojava ya bi rûmet silav dikin em jî pişta we ne."

Ponçû Silavîk jî got: "Em weke ciwanên li Ermenistanê komploya ku li dijî Serokê me kirin şermezar. Hêzên ku komplo li dijî Serokên me kirin gotin em ê gelê kurd xelas bikin û tevgera azadî tasfiye bikin. Lê bi ser neketin. Ji dema Rêber Apo girtin û heta roja îro gelê Kurd bi mîlyonan li qadan ji bo azadiya Rêber Apo li ber xwe dan û ti carî ev komplo qebûl nekirin. Em jî weke gelê li Ermenistan heta dawî şopdarê Serokên xwe ne û em ê tekoşîna xwe li ser fikir û felsefa Rêber Apo bimeşîn û xwe bi rêxistin bikin. Em dibêjin bê Serok jiyan nabe.

Daxuyanî bi dirûşmên "Bijî Serok Apo", "Bijî berxwedana Rojava" û "Şehîd namirin" bi dawî bû.