Kona piştevaniyê ya bi Rojava re ku li pêşiya Walîtiyê ya li bajarê Draguignan ê Fransayê hate danîn, di roja 8’emîn de ye. Di kona ku komên ciwanan nobetê digrin de, banga piştevaniyê ji bo berxwedana Rojava tên kirin.
Li bajarê Draguignan ê Fransayê, kona berxwedanê ya ku bi armanca piştevaniya bi Rojava re hate danîn, di roja 8’emîn de ye. Çalakî bi dewrgirtina nobetê ji aliyê ciwanan ve dewam kir û beşdaran berxwedana li Rojava silav kirin. Her wiha destnîşankirin ku ew ê heta ku êrîş bi dawî bibin, li qadan bin.
Li seranserê Ewropayê, bi sed hezaran kes ji bo piştevaniya Rojava dadikevin qadan. Çalakiya konvedanê ya li Draguignanê jî ji her demê bêhtir banga yekbûna xurt dike. Beşdaran peyama, “Divê em zêdetir xwedî li berxwedana Rojava derkevin” didin û biryardariya xwe ya ji bo mezinkirina piştevaniyê dubare dikin.
