Meş wê di 7’ê Sibatê de, ji Qada Plainpalaisê heta avahiya Neteweyên Yekbûyî were lidarxistin.

Aktivîstên ciwan ên Kurd di vê çarçoveyê de, li Zanîngeha Cenevreyê û Kolana Bel-Air ku yek ji cihên herî qelebalix ê bajêr e, danezan belavkirin.

Di danezanê de îşaret bi armanca meşê û girîngiya rakirina tecrîda li ser Rêber Apo ji bo gelên Rojava û Rojhilata Navîn hate kirin.

Koma Enternasyonalîst a Serhildan a Cenevreyê jî piştgirî da belavkirina danezanan. Ciwanan bang li gelê Cenevre û raya giştî ya demokratîk kir ku di 7’ê Sibatê de tevlî meşa dirêj bibin.