Li bajarê Bruksel ê Belçîkayê bi boneya 8'ê Adarê Roja Jinên Kedkar ên Cîhanê pîrozbahî hate lidarxistin. Jin û çalakvanên ji her çar aliyên cîhanê, ji her çandê û ji her neteweyî her kes bi deng û rengê xwe beşdarî pîrozbahiyê bûn.

Beşdarvanan ji danê beriya nîvro li meydanda navendî ya paytext Brkselê kom bûn, her wiha jinên Kurd ji bi al, deng û rengê xwe hebûna xwe diyar kirin. Her wiha di derbarê berxwedan û tekoşîna jinên Kurd yên ji her çar aliyên Kurdistanê de belavok hatin belavkirin.

Danê piştî nîvro seet 15:00'an meşa ji bo 8'ê Adarê destpêkir, meşa ku li ser her sal destpêkir, li nava bajêr dîsan vegeriyan qada çalakiyê. Piştî vegerê pîrozbahiyê heya bi ferengiya rojê bi aktîvîte û çalakiyên cihêreng domand.

Jinên Kurd jî ku bi reng, deng û sembolên xwe yên netewî beşdariya pîrozbahiyê bûn. Di tevahiya meşê de carna bi mûzîkên Kurdî, carna jî bi dirûşmeyên "Jin Jiyan Azadî" dengê xwe beşdarî çalakiyê kirin û bal kişandin ser cihêrengiya xwe. Her wiha stranbêja Kurd Besê Kaya jî bi gîtar û stranên xwe derket ser dikê û her wiha peyama TJK-E Belçîka ji hate xwendin.