Bêhtirî 100 hezar kes li dijî polîtîkayên hikûmeta federal ên aborî û civakî tevlî meşa neteweyî ya li Brukselê bûne. Li seranserê welêt ji ber rawestandina gelek karûbarên giştî, balafirgeh û xebatên veguhestinê astengiyên cidî çêbûn.
Li ser banga sendîkayan bi deh hezaran kes li Brukselê beşdarî xwepêşandaneke neteweyî bûn. Xwepêşanderan, guhertinên hikûmetê yên di sîstema teqawidbûnê de, sînorkirinên li ser endekskirina otomatîk a mûçeyan û kêmkirina xizmetên giştî şermezar kirin.
Xwepêşandanê li seranserê Belçîkayê rê li ber astengiyên cidî yên wekî veguhastin û xizmetên giştî vekir. Hin seferên hewayî hatin betalkirin û veguhestina giştî bi awayekî sînorkirî xebitî.
Sendîkayên wekî CSC, FGTB û CGSLB’ê, diyar kirin ku tu danûstandinên wan rasterast a bi hikûmetê re çênebûne û daxwaza diyalogeke demildest bi serokwezîr û cîgirên wî re kirin.
