Li Berlînê Konferansa Demokrasî û Azadiyê dest pê kir. Di konferansê de wê gelek kes pêşkêşiyê bikin.

Li bajarê Berlînê ya Elmanyayê Konferansa Demokrasî û Azadiyê dest pê kir. Axaftina destpêkê ji aliyê rojnamevan Hayko Bagdat hate kirin, Prof. Dr. Neşe Ozgen jî qala bernameya konferansê kir. Di encama konferansa du rojan de wê komên xebatê werin avakirin.

Di konferansê de di roja yekemîn de wê rûniştinên bi navê ‘Tespîta xisarê’, ‘Rêya rizgariyê’ û ‘Avakirina dahatûyê’ werin lidarxistin. Akademîsyen Latîfe Akyuz, Prof. Dr. Baskin Oran, Prof. Dr. Cengîz Aktar, Turgût Oker (Serokê Rûmetê yê AABK’Ê), Ertûgrûl Kurkçu, Bunyamîn Şeker (Hevserokê OHD’ê), Kubra Derîn (Koma Kampanyayê ya Peymannameya Stenbolê) jî di nav de wê gelek kes biaxivin.

Di rûniştina duyemîn de jî wê parlementerê CHP’ê Sezgîn Tanrikûlû, parlementerê HDP’ê Mehmet Ruştu Tîryakî, Îhsan Elîaçik (Misilmanên antîkapîtalîst), Dr. Nazan Ustundag (Rojnameger), Ayşe Erdem (Hevserokê Partiya Çepgir a Keskan) wê biaxivin.

Di rûniştina sêyemîn de jî wê Riza Turmen (Hiqûqnas, dîplomat), Aslin Erdogan (Nivîskar, rojnameger), Parlementera HDP’ê Tulay Hatîmogûllari, Hatîp Dîcle (Siyasetmedar) jî biaxivin.