Çend roj beriya Newroza 2026'an Kurdistaniyên li Swîsreyê li gel dostên xwe bi çalakiyên herêmî dest bi pîrozbahiyan kirin. Li bajarê Basel ê Swîsreyê bi resepsiyona Newrozê pîrozbahiyan destpê kirin. Gelek siyasetmedarên Swîsreyê jî beşdarî pîrozbahiyan bûn.

Wezîrê Perwerdeya Mîllî ya Kantona Baselê Mûstafa Atici, Serokê Partiya BastA Oliver Bolliger, Alîkara Serok Nicola Goepfert û Parlamenter Franziska Stier, parlamenterên Baselê yên SP'ê Edîbe Golgelî, Mahîr Kabakçi û Pascal Pfister, Parlamentera Baselê ya Partiya Keskan (Grune) Fina Girard û serokê berê yê meclîsê yê ji Partiya Lîberal a Keskan parlamenter Bulent Pekerman jî di nav de 27 parlamenter beşdarî resepisyona li Kesernahausê bûn.

Pîrozbahî bi axaftina destpêkê ya aktîvîsta Yekîtiya Jinên Kurd a Swîsreyê (YJK-S) Ozen Aytaç destpê kir. Piştî axaftina Wezîrê Perwerdeya Mîllî ya Kantona Baselê Mûstafa Atici, Hîndekarê Zanîngeha Grazê Prof. Dr. Bîlgîn Ayata qala dîroka Newrozê kir.

Koma Arî jî di resepsiyonê de stranên xwe got. Pîrozbahî bi gerandina govendê bi dawî bû.