Li bajarê Avîgnon ê Fransayê tecrîda girankirî ya li ser Rêberê Gelê Kurd Abdullah Ocalan hat protestokirin û bang li Kurdistaniyên ku li Ewropayê dijîn hat kirin ku ji bo azadiya Rêberê Gelê Kurd Abdulah Ocalan dakevin qadan.
Tecrîda girankirî ya li ser Rêberê Gelê Kurd Abdullah Ocalan, li bajarê Avîgnon ê Fransayê hat protestokirin. Çalakî li ber îstasyona trenê, bi pêşengiya Navenda Kurd a Demokratîk a Avîgnonê hat lidarxistin. Girseyê di çalakiyê de wêneyên Rêberê Gelê Kurd Abdullah Ocalan û alên PKK’ê hildan û bê navber dirûşmeya “Bijî Serok Apo” berz kirin.
Hevserokên Meclîsa Kurd a Demokratîk a Avîgnonê axivîn. Di axaftinan de hat diyarkirin ku wê tecrîda Îmraliyê bi tu awayî qebûl nekin û bang li hemû Kurdistaniyên ku li Ewropayê dijîn hat kirin ku ji bo azadiya Rêberê Gelê Kurd Abdullah Ocalan, dakevin qadan.
