Li Parîs paytexta Fransayê welatparêzê Kurd Huseyîn Akdogan, ji ber ketina şewba koronavîrûsê jiyana xwe ji dest da. Li Fransayê hejmara Kurdên ji ber korovavîrûsê jiyana xwe ji dest dayin gehişte 5 kesan.
Civaka Demokratîka Kurd a Fransayê (CDK-F), bi daxuyaniyeke nivîskî mirina Akdogan ragihand.
CDK-F’yê bal kişand Huseyîn Akdogan, di nava tekoşîna azadiya Kurd de yek ji welatparên herî kevin bû, li banliyoya Vîllîers-el-Bel a herêma Parîsê jiyana xwe ji dest da.
Di daxuyaniyê de hat gotin; “ Akdogan ê salên dirêje li Vîllîers-le-Bel ê jiyan dike, bi eslê xwe ji navçeya Kerboran a Mêrdînê ye, ji ber bi nexweşiya koronavîrûsê ket ku ji 12’ê Adarê ve li nexweşxaneya Parîsê di beşa lezgîn de bû, îro jiyana xwe ji dest da.”
