Nobeta Azadiyê ya ji bo pêkanîna azadiya fizîkî ya Rêberê Gelê Kurd Abdullah Ocalan û şikandina tecrîdê, 547 hefte ne ku berdewam e.

Kurdistaniyên li Ewropayê û dostên wan her hefte çalakiya nobetê li dar dixin. Vê hefteyê komeke ku ji bajarê Mannheîm ê Elmanyayê hat, nobet dewir girt.

Mahmût Kasem, Kerîm Tuzun, Fatîh Dag û Mûstafa Yildiz di nav komê de ne. Mahmût Kasem ê li ser navê komê axivî, îşaret pê kir ku du sal in tu agahî ji Rêberê Gelê Kurd Abdullah Ocalan nayê girtin û got: “CPT’yê got ku serdana Rêbertiyê kiriye lê derket holê pê re hevdîtin nekiriye. Kurd û dostên wan vê qebûl nakin. Em vê rewşê û bêdengiya CPT’yê û cîhanê şermezar dikin. Heta Serok Apo azad nebe wê ev nobet berdewam bibe.“

Kerîm Tuzun jî bombebarana dewleta Tirk a bi ser Başûr û Rojavayê Kurdistanê û bikaranîna çekên kîmyewî li dijî Gerîlayên Azadiya Kurdistanê şermezar kirin.