Serokwekîla Koma HDP’ê Meral Daniş Beştaş, parlementerê HDP’ê Sezaî Temellî, Nûnerê Ewropayê Devrîş Çîmen, Hevberdevka Nûnertiya Elmanyayê Leyla Îmret di navbera 14-16’ê Sibatê de li Berlînê hin serdanên dîplomatîk kir.

Di sê rojan de heyeta HDP’ê çû serdana partiyên siyasî Partiya Çepgir (Dîe Lînke), Partiya Sosyal Demokrat (SPD), Partiya Keskan û bi nûnerên Tifaqa Pêşverû re hin hevdîtin kirin.

Di serdana Partiya Çepgir de, her du aliyan diyar kirin ku ew kêfxweş in di navbera Partiya Çepgir û HDP’ê de hevkarî heye. Di serdanê de hate diyarkirin wê hevkarî û piştgirî zêdetir bibe.

Di serdana SPD’ê de jî heyeta HDP’ê diyar kir divê têkiliya Tirkiye û Elmanyayê li ser regezên demokratîk were avakirin.

HDP çû serdana Wezîrê Çandiniyê Cem Ozdemîr ê ji Partiya Keskan û parlementera eyaleta NRW’ê Bêrîvan Aymaz. Di serdanê de qala geşedanên siyasî yên li Tirkiyeyê û yên di qada çandiniyê de hate axaftin.