Nobeta Azadiyê ya ku ji sala 2012’an vir ve li Strasbourg a Fransayê tê lidarxistin, di hefteya 715’an de ji aliyê sê kesên ji Salzburgê hatin ve dewr hat girtin. Mahmut Elmas diyar kir ku têkoşîna ji bo azadiya Rêber Apo wê berdewam bike.
Nobeta Azadiyê ya ku ji Hezîrana 2012’an vir ve bê navber li Strasbourg a Fransayê tê lidarxistin, di hefteya 715’an de ji aliyê sê kesên ji Elmanyayê hatin ve dewr hat girtin.
Mahmut Elmas, Îbrahîm Botan û Siraç Ozgeç ên ku Salzburg a Elmanyayê hatin nobet dewr girtin.
Mahmut Elmas li ser navê komê axivî û diyar kir ku bi salan e ji bo azadiya Rêber Apo ku 27 sal in di girtîgehê de ye li ber saziyên navneteweyî nobet tê girtin û ev yek ji bo saziyên peywendîdar "şerm" e.
Elmas anî ziman ku erkên gelê Kurd ji bo Rêber Apo hene û got, "Çiqas em Rêberê xwe bêtir nas bikin, em ê pêvajo û dijmin bêtir fêm dikin.Wê li hember pêvajoya ku hatiye destpêkirin hewldan û tevgera me zêde bibe û wê yekîtiya me pêş bikeve. Wekî Kurd û wekî mirov ev erka me ye.”
Elmas destnîşan kir ku pêvajoya ku ji hêla Rêber Apo ve di 27’ê Sibata 2025’an de hatiye destpêkirin nû ye û entegrasyona ku behsa wê tê kirin tê wateya naskirina hevdu û naskirina civaka xwe ye.
Elmas anî ziman ku divê civak pêvajoyê di asta zihniyetê de fêm bike û ev bang kir: "Werin em sala 2026’an bikin sala azadiya Rêberê xwe û aramiyê bînin welatê xwe."
