Simko Şikakî (Halîl Bîlen) ku sala 2019’an li Efrînê şehîd bû, li Navenda Civakê ya Kurd a Heîlbronnê bi merasîmekê hat bibîranîn.

Xizmên Simko Şikakî, nûnerê KOMAW’ê û gelek Kurdistanî tev li bibîranînê bûn, bi deqeyekê rêz ji bo şehîdan hat girtin.

Nûnerê KOMAW’ê mafê axavtinê girt, ev tişt gotin: “Heval Şehîd Simko, şehîdekê me ye ku li Rojava li dijî DAÎŞ’ê têkoşiyaye. Nejibîrkirina qehremanên wiha û xwedîderketina li têkoşîna wan, erka me hemûyan e.“

Xizmên Şehîd Simko ku bi kurtî axivîn, wiha got: “Têkoşîna şehîdan ya me ye. Erka me ye ku em bibin liyaqê wan û bi rêya wan de biçin.“