Tevgera Ciwanên Şoreşger (TCŞ), li bajarê Marsîlya yê Fransayê di çarçoveya pêngava “Werin Cenga Azadiyê” de, ji bo protestokirina tecrîda li ser Rêberê Gelê Kurd Abdullah Ocalan û mîsogerkirina azadiya wî ya fîzîkî, meşeke bi meşaleyan li dar xist. Çalakî, ji Saînt Josephê heta bi Roland Dorgelesê, nêzê saetekê li ber xwe da.

Ciwanan, pankartên têkildarî tecrîdê vekirin û alên Rêberê Gelê Kurd Abdullah Ocalan hildan.

Lezgîn Botan li vir daxuyaniyek da û diyar kir ku 21 meh in agahî ji Rêberê Gelê Kurd Abdullah Ocalan nayê girtin û banga lidarxistina çalakiyan li ciwanên Kurdistanê kir.

Çalakî, bi berzkirina dirûşmeyên “Bijî berxwedana gerîla” û “Bijî Serok Apo” bi dawî bû.