Ciwan li dijî tecrîd û dagirkeriyê meşiya
Ciwanên Kurd ên li Stûttgartê li dijî tecrîda girankirî ya li ser Rêberê Gelê Kurd Abdullah Ocalan û êrîşên dagirkeriyê meş li dar xistin.
Li bajarê Stûttgart ê Elmanyayê bi pêşengiya Tevgera Ciwanên Şoreşger (TCŞ) li dijî êrîşên dagirkeriyê yên dewleta Tirk ên li ser Kurdistanê û tecrîda li ser Rêberê Gelê Kurd Abdullah Ocalan meş û mîtîngek hate lidarxistin.
Ciwan ji qada Lautenschlager Strasse heta Rotenbûhl Platzê meşiyan û li vir mîtîngek li dar xistin. Ciwanan di meşê de pankarta "Azadiya Abdullah Ocalan azadiya me ye" hilgirtin.
