Civaka Demokratîk a Kurd a li Fransayê (CDK-F) û Tevgera Jinên Kurd a li Fransayê (TJK-F) ji bo çalakiyên ku wê li dijî êrişên dagirkeriyê yên dewleta Tirk bêne lidarxistin, banga tevlîbûnê kirin.
Di daxuyaniya hevpar a CDK-F û TJK-F de hate gotin, "PDK a ku veguheriye piştevanê dewleta Tirk a faşîst mêtinger, şênberiya xiyanetê ye."
Di daxuyaniyê de hate gotin, "Ji bo pêşî li vê xiyanetê bê girtin, bê rawestandin û bêbandorkirin, divê Kurd yekîtiya xwe misoger bikin û xiyanetê li qadan teşhîr bikin. Lewma jî em bang li gelê xwe yê welatparêz û dostên li Fransayê dikin ku tevlî çalakiyan bibin."
Bernameya çalakiyan wiha ye:
Parîs û derdora wê: Saet: 18:00 li qada Repûblîqûe
Marsîlya: Saet 13:00 li pêşiya Buroya Parlamenta Ewropayê
Rennes: Saet 15.00 li Qada Republique
Strasbourg: Saet 14.00, li gar a trenê ya Strasbourgê
Montpellier: Saet 16.00, li Qada Comedie
Bordeaux: Saet 17.00, li Grand-Teatre."
