Amadekariyên ji bo Newroza 21’ê Adarê ya Frankfurtê were lidarxistin, bi dawî bûn. Newroz wekî çalakiyek ku wê yekîtiya neteweyî ya gelê Kurd û azadiya fîzîkî ya Rêber Apo bi xurtî bê îfadekirin tê plankirin.
Amadekariyên ji bo Newroza 21'ê Adara 2026’an li Frankfurt a Elmanyayê were pîrozkirin, bi dawî bûn. Komîteya amadekar li Navenda Civaka Demokratîk a Kurd a Frankfurtê civiya, ragihand ku amadekariyên ji bo Newrozê gihîştine qonaxa bidawîkirinê.
Komîteya amadekar a ku bi pêşengiya rêxistinên sîwanî yên Konfederasyona Civakên Demokratîk ên Kurdistanê li Elmanyayê (KON-MED), Yekîtiya Jinên Kurd ên Elmanyayê (YJK-E) û Federasyona Civakên Demokratîk ên Kurdistanê (FCDK-KAWA) de hatiye avakirin, diyar kir ku Newroza 2026’an Elmanyayê wê bibe ragihandina îradeya yekîtiya neteweyî ya gelê Kurd li dîasporayê. Di civînê de hat destnîşankirin ku wê di Newroza 2026’an de bi xurtî azadiya fîzîkî ya Rêber Apo biqîrin.
Endamên komîteyê bal kişandin ser rastiya gelê berxwedêr a Rojava û Rojhilatê Kurdistanê û diyar kirin ku ruhê berxwedanê yê Kawa, Bêrîvan û Ronahiyên hemdem wê di pîrozbahiyê de were nîşandan. Di bernameya heybet a Newrozê de wê motîfên çandî, stran û dewlemendiyên herêmî yên ji her çar perçeyên Kurdistanê pêşkêşî gelê Frankfurtê bikin.
Endama komîteya amadekar û Hevseroka Federasyona FCDK-KAWA Kerime Barçin û Hevserokê KON-MED Kerem Gok derbarê bernameya Newroza ku wê di 21’ê Adara 2026an de saet di 10:00’an de li Parka Rebstockê dest pê bike, agahdariyên berfireh dan.
Tê payîn ku Newroza 2026’an li Frankfurtê bi beşdariyeke girseyî û bi coş were pîrozkirin.
