Piştî ku eşkere bû dewleta Tirk li Serêkaniyê çekên kîmyewî bi kar aniye li bajarê Hannoverê yê Elmanyayê xwepêşandaneke şermezarkirinê pêk hat. Kurdistanî tevî dostên xwe li hev kom bûn û komkujiyên ku dewleta Tirk kirine belavok belav kirin.

Di çalakiyê de ku bi hezaran kes tevlî bûn ji Meclîsa Jinan a Şehîd Ronahî Seher Nergîz û endamê FED-DEM'ê Letîf Karakaş axivîn.

Piştî axaftinan çalakger meşiyan. Di çalakiyê de dirûşmên "Bijî Rojava", "Em bi hev re li dijî faşîzmê têbikoşin" hatin qîrîn.