Bi ser Navenda Tenduristî ya Serokatiya Daîreya Karên Tenduristî ya Şaredariya Bajarê Mezin a Amedê li Mala Venihêrtin û Krêşê ya Şaredariya Bajarê Mezin bi kurdî perwerdeya paqijiya diranan da zarokan.

Bi pêşengiya Midûrtiya Şaxa Karên Krêş û Zarokan a Serokatiya Daîreya Karên Civakî, li Mala Venihêrtin û Krêşê perwerdeya paqijiya diranan, bi Kurdî ji zarokên 3-5 salî re hate dayîn. Perwerde ji aliyê Dr. Tahîr Tekeş û birînpêç Evîn Senîn ve ji bo 50 zarokî hate dayîn. Piştî ku xêzefîlma “Qraltiya Diranan” nîşanî zarokan dan, macûn û firçeyê diranan li zarokan hate belavkirin. Dr. Tahîr Tekeş bi awayekî, pratîk nîşanî zarokan da ka divê çawa diranên xwe firçe bikin û ji wan re got ku divê rojê du caran diranan firçe bikin. Tekeş bi kurdî bi zarokan re axivî û ji wan re nîşan da ku divê sibê gava radibin û êvarê berî razên divê diranên xwe firçe bikin û li bîra wan xist ku divê 3 mehan carekê firçeyê diranan biguherin.