Şaredara BDP’a Bismilê Cemîle Emînoglû di qezaya trafîkê de birîndar bû. Li gorî agahiyên ku hatine wergertin, otomobîla meqam ya biplaqeya 21 TC 691 ku Mustefa Saruhanoglû diajot û Şaredara Bismilê Emînoglû têde bû, li herêma Uçtepe ya li ser rêya Bismil-Amedê ji kontrolê derket û ket şarampolê. Şaredar Emînoglû û ajovan Saruhanoglû di qezayê de birîndar bûn, rakirin nexweşxaneya Dewletê ya Bismilê li wir piştî mudaxeleya destpêkê rakirin Nexweşxaneya Lêkolîn û Perwerdeya Fakulteya Tibê ya Zanîngeha Dîcleyê. Hate hînbûn ku, piştî dermankirinê Emînoglû ji nexweşxaneyê derket lê dermankirina Saruhanoglû hêjan didome.