Li navçeya Cizîrê ya Şirnexê polîsan bi bombeyên gazê êrîşî meşa ji aliyê YDGK-H ve hate lidarxistin, kirin û di encamê de zarokê bi navê A.E. yê 9 salî ji serê xwe birîndar bû.

Tevgera Jinên Ciwan ên Şoreşger û Welatparêz (YDGK-) li navçeya Cizîra Şirnexê bi armanca şermezarkirina êrîşên çeteyên DAIŞ’ê û desteka dewleta Tirk a ji bo çeteyan meşek li dar xistin. Bi hezaran kes li Kolanan Mezbahane ya Taxa Cûdiyê li hev kom bûn û pankartên “Agirê azadiyê yê ku ji aliyê Viyan û Zîlanan ve hate pêxistin wê bi azadiyê bê tacîdarkirin” hate vekirin  û wêneyên Rêberê Gelê Kurd Abdullah Ocalan, alên PKK û KCK’ê hatin vekirin û ber bi Cadeya Nisêbînê ve meşiyan.

Di meşê de li çepikan xistin, tilîlî û dirûşmên “Bijî Serok Apo”, “Bijî Berxwedana Kobanê” û “Kurdistan wê ji DAIŞ’ê re bibe goristan” qîriyan û polîsan pêşî li meşê girtin. Di dema meşê de polîsan bi bombeyên gazê êrîş kirin û gelek kes ji ser hişê xwe çûn.

Ciwanan bi kevir û fîşekên hewayî bersiv dan êrîşa polîsan û bûyerên li navçeyê destpê kirin.

Zarokê bi navê A.E yê 9 salî ku bombeya gazê li serê wî ket birîndar bû. Zarokê birîndar rakirin Beşa Lezgîn a Nexweşxaneya Dewletê ya Cizîrê bûyerên li navçeyê berdewam dikin.