Li gelek bajarên Belçîkayê, di çarçoveya dosya "antî terorîst" de polîsan danê sibehê avêtin ser bi dehan malan. Di encama serdegirtinan de 4 kes hatin binçavkirin û 12 kes jî ketin bin kontrola polîsan.

Di daxuyaniya Dozgeriya Federal a Belçîkayê de hat ragihandin, li gorî agahiyên di çarçoveya lêpirsînê de hatine bidestxistin, divê bi lez û bez bikevin nava tevgerê.

Hat ragihandin, serdegirtin li 152 depo û xerajan hatiye kirin û heta niha ne teqemenî ne jî çek hatine dîtin.

Serdegirtin li herêmên Brukselê yên Molenbeek, Schaerbeek, li bajarên Anderlecht, Koekelberg, Berchem-Sainte-Agathe, Evere, Forest, Watermael-Boitsfort, Ganshoren), herêma Flaman; Zaventem, Nînove, Wemmel û li herêma Vallon; Fleurus, Tubize û Liège hatin kirin. Nasnameya kesên hatine binçavkirin hînê nehatine eşkerekirin.