Nobeda dayikên aştiyê ya konê li Colemêrgê, doh bi şev ji aliyê Însiyatîfa Dayikên Aştiyê ya Wan-Geverê ve hat girtin.

Nobeda li konê taxa Sumbulê ji aliyê Tevgera Jinê ya Azad û Demokratîk ve hat destpêkirin, doh ji aliyê aktîvîstên Însiyatîfa Dayikên Aştiyê ya Wan û Geverê ve hat girtin. Li konê nobedê pankartên bi nivîsa "Di pêvajoya avakirina jiyana azad û rizgariya demokratîk de konê nobeda jinan", "Ji hevalên meşa azadiyê dan destpêkirin re silav", "Azadiya jinê têkoşîna Sakîneyan e" û wêneyên Rêberê Gelê Kurd Abdullah Ocalan, yek ji pêşengên PKK'ê Sakîne Cansiz û alên PKK'ê hatin daliqandin. Li gel baranê jî, dayikên aştiyê li dora agirê li ber kon hat dadan li hev kom bûn û li ber stranan govend gerandin. Li binê kon der heqê pêvajoyê de nîqaş û gotûbêj hatin kirin û dayikan heta ber destê sibê nobed girtin.