Li Wargeha Penaberan a Şehîd Rûstem bi organîzasyona Komelên Ciwan kampanyaya îmzeyan a ji bo azadiya Ocalan hate destpêkirin.

Kampanyaya îmzeyan a li Ewropayê bi navê “Ji bo azadiya Ocalan 5 milyon îmze” dest pê kiribû û di destpêka meha gulanê de jî li Iraq û Başûrê Kurdistanê jî bi armanca “Ji bo azadiya Ocalan 1 milyon îmze" dest pê kiribû li Wargeha Penaberan a Şehîd Rûstem jî duh bi pêşengî û organîzasyona Komalên Ciwan a Wargehê dest pê kir.

Kampanyaya îmzeyan di 6’emîn Konferansa Meclîsa Gel a Demokratîk de jî weke biryareke hatibû girtin starta wê ciwanan da. Duh seet di 19.00’an de kampanyayê dest pê kir. Bi beşdariya ciwanan mal bi mal îmze tên komkirin. Her kesa/ê ji 10 salî jortir dikare beşdarî kampanyayê bibe. Komalên Ciwan diyar kir ku, di nava 3 rojan de dê komkirina îmzeyan temam bikin.