Li çiyayê Tendurekê yê Agirî ku tevgera leşkerî berdewam dike, gelek helîkopterên kobra li ser qontarên çiyê û nêzî derdorê gundên Rahmankulu firiyan.

Rojên borî li Çiyayê Tendurekê yê Agiriyê leşkerên girêdayî Fermandariya Boluka Cendirmeyan a Giyadinê gelek wesayît veguhestin herêma operasyonê. Piştî ku leşker veguhestin herêma Çiyayê Tendurekê, 2 helîkopterên kobra yên şer çûn herêmê û li ser çiyayê Tendurekê û gundê Rahmakulu bi nizmî firiyan.

Welatiyên Gundê Rahmakulu bertek nîşanî liv û tevgera leşkeran dan diyar kirin ku, di vê pêvajoya ku HPG vedikişe leşker li herêmê bi cih dibin û gel sor dikin. Welatiyan anîn ziman ku, ev tevgera leşkerî wan dixe nava fikaran.