Rejîma Îranê ya dawiya Sibatê 8 kes darve kir, di meha Adarê carekê de 10 kes bi komî darve kir.

Li gor çavkaniyên muxalif ên Îranî, tenê di meha Sibatê de li welêt 98 kes hatin darvekirin.

3’ê Adarê li girtîgeha Şîraz bi deh kesên bi awayekî komî hatin darvekirin re hejmara kesên di sê rojên destpêkê yê Adarê de hatin darvekirin derket 13’an.

Tê diyarkirin ku ji sedî 61 darvekirinên li Îranê pêk tên bi awayekî fermî nayên aşkerakirin. Muxalif piranî agahiyên têkildarî darvekirinan bi rêya tevna civakî parve dikin.

Tê diyarkirin ku ji destpêka 2015’an heta niha herî kêm 189 kes hatine darvekirin.

Welatên rojavayî yên tevayî awiran dkişînin ser bernameya nukleer a Îranê, li hember vê kiryara di asta hovîtiyê de ye bi piranî bêdengiya xwe diparêzin.

Darvekirinên zêde bûne, di heman demê de wek bêîstîqrariya di nav Îranê de jî tê nirxandin.