Li bajarê Girkêlegê û derdora wê ji bo azadiya Rêberê Gelê Kurd Abdulah Ocalan komkirina îmzeyan destpê kir.

Di çarçova kampaniya ji Ocalan re Azadî ku li seranserî herêmên Rojavayê kurdistanê destpê kiriye, li Girkêlegê, Rimêlan, Çilaxa û gundên Aliyan jî, di 22 gulanê kampanya berhevkirina îmzeyan destpê kir.

Komîta amadekar li Mala Gel a Girkêlegê civînek lidar xist û bernameya kampanyayê eşkere kir, komîta amadekar  ji welatiyên Girkêlegê xwest ku roja çarşemê di seet 9:00’an de li navenda bajêr pêşiya dermanxaneya Ebdilbaqî bicivin, yên Çilaxa jî di seet 10:00’an de li mala Gel a çilaxa bicivin.

Her wiha navendên îmzedayînê li Girkêlegê, Rimêlan û Çilaxa hatin danasîn. Li Girkêlegê li pêşiya dermanxaneya Ebdilbaqî , navenda Partiya Yekîtiya Demokratîk (PYD), Meydana Şehîd Xebat. Li Rimêlan jî li ber deriyê malbatan, li Çilaxa jî  li Mala Gel, ji di seet 9:00’an de heta seet 13:00’an û 17:00 heta 20:00 êvarê .