Li Girkê Legê Hêzên Asayîşê ji bo bîranîna şehîdên tevgera azadiya Kurdistanê civînek lidar xist.

Bi nêzîkbûna 18’ê Gulanê roja bîranîna şehîdan û ji bo bîranîna Şehîdên azadiya Kurdistanê, bi beşdariya sedan ji endamên Asayîşa Girkê Legê, Rimêlan, Çilaxa, Mistefawiyê û Dîrona Axî civînek li navenda asayîşa Girkê Legê hate lidarxistin.

Civîn bi deqeyeke rêzgirtinê destpê kir. Piştre Endamê Tevgera Civaka Demokratîk (TEV-DEM) Hesen Koçer di derbarê bîranîna şehîdanê de axivî û wiha got: “Bi hezaran Kurdistanî ji bo rûmet û azadiya gelê Kurd xwîna xwe erzan dan û yek van Şehîd Heqî Karer ku ji bo azadiya Kurdistanê di 18’ê Gulan a 1977’an de bi destê xayînan şehîd ket. Kurdistanî heta niha jî xwîna xwe ji bo rûmet û azadiya gelê Kurd erzan didin û parastina bingeh û nirxên xwe dikin.”

Koçer di axaftina xwe de wiha dom kir: “Şehîd riya azadiyê ne û bi wan  riya azadiya me ronî dibe. Civaka dixwaze xwe bi pêşvebixe divê doza şehîdan bernede yên ku xwîna xwe ji bo civaka xwe dane.”