Konseya Ewlekariyê ya Neteweyên Yekbûyî (NY) pêşnûmebiryara sînordarkirina çavkaniyên aborî yên DAIŞ’ê bi hevdengiyê qebûl kir.

Li gorî armanca pêşnûmeya ku ji aliyê Rûsyayê ve hate amadekirin û ji aliyê gelek welatan ve hate destekkirin, wê çavkaniyên petrol, firotina bermayên dîrokî û çandî, û dahata ji fîdyeyan û çalakiyên din ên ku DAIŞ’ê fînanse dikin bên sînordorkirin.

Li gorî vê pêşnûmeya ku ji bo welatên NY’yê ve tê qebûlkirin, wê ji bo astengkirina dahat û desteka aborî ya ku ji bo DAIŞ’ê tê, xebat bên meşandin. Her wiha banga astengkirina çavkaniyên van dahatan tê kirin.

Li gorî vê şerta NY’yê wê welat û kesên ku ji bo kirîn û firotina petrol, bermayên dîrokî û çandî yên DAIŞ’ê navbeynkariyê dikin, bên cezakirin.

Her wiha, li gorî pêşnûmeyê firotina amûrên ji bo karanîna rafînerî û petrolê yê ku wê ji bo DAIŞ’ê biçin bi temanê tên qedexekirin û welat, an jî komên ku bi awayekî yekser an jî ne yekser petrolê ji DAIŞ’ê bikirin an jî amûran bifiroşin DAIŞ’ê wê bêne cezakirin.