Ji bo Şervanê YPG'ê Îlyas Ekîncî (Azad Mêrxas) bi tevlibûna gelek kesan mewlûd hat dayîn.

Ji bo Şervanê YPG'ê Îlyas Ekîncî (Azad Mêrxas) ê ku di 3'yê Kanûnê de li Kobanê di encama êrîşa çeteyên DAIŞ'ê de jiyana xwe ji dest da li Êlihê mewlûd hat dayîn. Mewlûd bi tevlîbûna endamên DBP, HDP, KURDÎ-DER, MEYA-DER gelek nûnerên saziyên civakî yên sivîl û welatiyan li Mala Çarşiyê hat dayîn. Piştî xwendina mewlûdê ji bo kesên di têkoşîna azadî û demokrasiyê de jiyana xwe ji dest dan rêz hat girtin.

Hevserokê MEYA-DER'ê Şukru Baytar diyar kir ku îro li Kobanê berxwedaneke bêhempa tê meşandin û bi sedan ciwanên Kurd ji bo azadiya Kobanê canê xwe didin. Baytar destnîşan kir ku gelê Kurd bi berxwedana xwe ya li Kobanê navê xwe di dîroka cihanê de nivisandiye û hatine naskirin.

Piştî axaftina Baytar, mewlûd bi dayîna xwarinê bi dawî bû.