Fermandariya HPG’ê ya Şengal, bîlançoya berxwedana Şengalê ya meha Mijdarê aşkera kir. Fermandariya HPG’ê ya Şengal di daxuyaniya xwe de got, “Bi çalakiya Cudalê-Şîlo darbeyên giran li çeteyan hatine xistin, gelek hewldanên êrîşan bi taktîkên çalakiyên di kêliyê de vala hatine derxistin.”

Fermandariya HPG’ê ya Şengalê, diyar kir ku di atmosfera şer a li Kurdistanê dijwar dibe, berxwedana li hember êrîşên çeteyên DAIŞ bi awayekî herî bi heybet didome.

Fermandariya HPG’ê ya Şengalê diyar kir ku ev berxwedana dîrokî li Şengal û Kerkûkê jî ji aliyê hêzên HPG/YJA Starê ve didome û got, “Têkoşîna me ya berxwedana Şengalê di meha Mijdarê de, li hember her cure êrîşan bi çalakiyên bihêz û bi bandor ên gerîlayan dewam kiriye. Di meha Mijdarê de di serî de li derdora Şîlo, Bare, Skineyê li derdora Çiyayê Şengalê jî şerên dijwar rû dane û berxwedaneke mezin hatiye pêşxistin.

Bi çalakiyên Cudalê-Şîlo çeteyên DAIŞ’ê darbeyên giran xwarine û gelek hewldanên êrîşan bi taktîkên çalakiyên di kêliyê de vala hatine derxistin. Di meha Mijdarê de bi şer û çalakiyên dijwar ên rû dan, hevalê me endamê Fermandariya HPG’ê ya Şengalê Dilgeş Rojhilat (Îsmaîl Azadîxan) di serî de 5 gerîlayên me yên HPG’ê  û şervanekî YBŞ’ê yên têkoşerên berxwedanê bi qehremanî têkoşiyan û tevlî karwanê Şehîdên Kurdistanê bûn.”

Fermandariya HPG’ê ya Şengalê bîlançoya şer û çalakiyên dijwar ên meha Mijdarê wiha aşkera kir:

Çalakî û şerên rû dane: 10

Çeteyên di çalakî û şerên encamên wan diyar bûne de hatine kuştin: 41

Birîndarên hatine zelalkirin: 7

Wesayîtên hatine rûxandin: 13 wesayît

Weayîtên hatine derbkirin: 2 wesayît”

Fermandariya HPG’ê ya Şengalê, tiştên di şer û çalakiyan de desteser kirine aşkera kir: Wesayîteke zirxî ya dipûşk, doçkayeke 12,5 û 4 qutî guleyên wê, 2 çekên BKC, 3050 gule, 4 zincîr û luleyeke yedek, 9 çekên keleşnîkof, 9 şarjorên wan, 270 gule û 11 rext, 2 çekên M-16, 20 şarjorên M-16, 600 guleyên M-16, çekek roketavêj û 5 roketên wê, çekek BKT, 12 şarjorên wê, demenceyek û şarjorê wê, 12 yelekên pola, 2 çekên BKC, çekek B-7, 4 roketên B-7 û Haşveya wê, 5 bombeyên destan, 7 cenazeyên çeteyan, 2 cîhazên biçûk, 3 dûrbîn.

Di daxuyaniyê de herî dawî wiha hat gotin, “Di nav her şert û mercî de hêzên me yên xwedî biryareke mezin in, di xeta fedayî ya Apoyî de meşa li Şengalê bi têkoşîneke mezin nîşan dane. Dilsozû û soza me ya bi şehîdan re wê xeta Şengala azad û ya serkeftinê be."