Hejmara kuştiyên komên çekdar di pevçûnên li gundên Navçeya Şêrawa ya Efrînê derkete 38᾿an û di pevçûnên ku ev 3 roj didomin 3 şervanên YPG᾿ê jiyana xwe jidest dan.

Li gorî agahiyên ji herêmê hatin bidestxistin, pevçûnên li gundê Basilê ya nêzî gundê Ziyarat û Aqîbê yên Efrînê hîn didomin. Di van pevçûnan ji 20 çekdaran zêdetir hatine kuştin û bi dehan birîndar bûne. Her wiha 3 şervanên YPG᾿ê di pevçûnên 3 rojan jiyana xwe jidest dan. Şervanên YPG᾿ê gundê Basilê ku şêniyên wê bi şervanên YPG᾿ê re sekinîne bi temamî dorpêçkirine.

Li gundê Aqîbê û Ziyarat jî ku rastî êrîşên komên çekdar a bi tang û topan hatbû, pevçûn di roja xwe ya 3᾿yemîn didome.

Hat ragihandin, di pevçûnên li navçeya Şêrawa ya Efrînê de bi giştî 38 çekdar hatine kuştin û bi dehan birîndar bûne.

Çavkaniyên herêmî dan xuyakirin ku di nava birîndaran de fermandarî tabûra Selah Eldîn Bêwar Mistefa jî heye. Her wiha 2 tang û zadetir ji 3 wesayîtên doşka li ser hatin rûxandin.

Li aliyeke din komên çekdar ku welatiyên sivîl li ser riya Heleb û Efrînê bi taybet nêzî bajaroka Heyan direvînin. Hate hînbûn ku malbateke kurd agahiyên wan ji 3 kesên wan ku ji Helebê vedgeriyan Efrîn qutbûye.

Çavkaniyên herêmî ji gundê Dart Ize jî ragihandin ku komên çekdar otobîseke rêwiyan dema ji Lubnanê dihat Efrîn revandin.