Li Eyaleta Shan a li sînorê Myanmar-Çîn, di şer û pevçûnên ji 9’ê Sibatê di navbera hêzên hikûmetê û Koknagên bi eslê xwe Çînî de konvoya Xaça Sor du car in bû hedef.

Hat diyarkirin ku di êrîşa roja Yekşemê wezîfedarên Xaça Sor jî di nav de 5 kes birîndar bûn.

Hefteya buhrî wezîfedarên Xaça Sor ji bo sivîlên li herêmê sewq bike banga agirbesta demkî kiribû.

Li gor nûçeya Associated Press, ji 9’ê Sibatê heta niha 130 kesî jiyana xwe ji dest da.

Gelek sivîlên li herêmê neçar man malên xwe terk bikin. Li gor daxuyaniya Çînê, 30 hezar sivîl sînorê Çînê derbas kirine, rayedarên Myanmar jî gotin ku 2000 kes reviyane herêmên nav welêt.