Çav li rê yê Podemos a mûxalefeta Çep li hev civandiye, dengê xwe zêde bike û Partiya Sosyalîst (PSOE) li dû xwe bihêle.

Li gorî anketên ev 3 roj in têkildarî hilbijartinan tên weşandin, Partiya Gel (PP) a mûxafazakar a bi lîderiya Serokwezîr Marîano Rajoy ji sedî 28 heta 29,5 ê dengan distîne û dibe partiya yekemîn. PP di hilbijartinên sala 2011'an de ji sedî 45 ê dengan stendibû û nayê texmînkirin ku dengên kêm kiriye, vegerîne.

Li gorî anketên şîrketên GESOP, Celeste-Tel, TNS Demoscopîa, lîsteyên Unidos Podemos ku partiya çep a radîkal Podemos bi partiyên din ên çep re tifaq kir û derxist holê, ji sedî 24 heta 25 ê dengan distîne. Tê payîn Unidos Podemos bibe çepa herî mezin a welêt û duyemîn hêza herî mezin a Spanyayê.

PSOE jî, ku ji ber polîtîkayên xwe yên lîberal ên hatineyên mirovên xizan û xebatkaran ji tine hesiband, tê payîn rêjeya dengê wê ji sedî 21 be. Li gorî anketan rêjeya dengê Cîûdadanos a lîberan li derdora ji sedî 15'an e.

Encamên hilbijartinên 20'ê Kanûnê bi vî rengî bûn: PP ji sedî 28,7; PSOE: ji sedî 22; Podemos: ji sedî 20,7; Ciudadanos: ji sedî 13,9. Di hilbijartinên dawî de PP 123, PSOE 90, Podemos 69 û Cîûdadanos 40 kursî bi dest xistibûn.