Cenazeyên ku li quntara çiyayê Cûdî hatin dîtin û hate diyarkirin ku aydê gêrîlayên HPG’ê Erefat Aşkan (Herekol Cûdî) û Selîm Goksû (Mahîr Serhat) şandin Saziya Tiba Edlî ya Meletiyê.

Duh karkeran li derdora gundê Cifane yê li quntara Çiyayê Cûdî, 2 cenazeyên ku hate diyarkirin aydê gêrîlayên HPG’ê ne dîtibûn. Di nota ku li ser cenazeyan hatibû dîtin, hatibû nivîsîn ku, Erefat Aşkan (Herekol Cûdî) yê ji Silopiyê û Selîm Goksû (Mahir Serhat) yê ji navçeya Gogsî yê Erziromê gêrîlayên HPG’ê ne. Cenaze biribûn Qereqola Cendirmeyan ya Madenê, Serdozgerê Komarê yê Şirnexê hatibû qereqolê û hûrkolîn pêkanî bû.

Piştî karûbarê fermî li qereqolê hate kirin, cenazeyên gêrîlayên HPG’ê Aşkan û Goksu ji bo otopsiyê şandin Saziya Tiba Edlî ya Meletiyê.