Daxuyaniya destpêkê ya li ser referandûmê ji Elmanyayê hat.

'JI BO EWROPAYÊ, ROJEKE XEMGÎN E'

Wezîrê Karên Derve yê Elmanyayê Frank-Walter Steînmeîer got, "Ji bo Ewropayê rojeke xemgîn e". Steînmeîer da xuyakirin, ku agahiyên ji Îngilîstanê tên, neyînî ye û wan pê dêşîne.

RASTGIRÊN LI HOLLANDA Û FRANSAYÊ KETIN NAVA TEVGERÊ

Lîderê Partiya Azadiyê ya rastgiriya tund a Hollandayê Geert Wîlders jî banga qutbûna welatê wî ji nava Yekîtiya Ewropayê kir û got, "Mafê Hollandayiyan e dengdanê li ser derketina ji nava Yekîtiya Ewropayê bike. Partiya Azadiyê NExitê dixwaze. Em dixwazin welatê xwe, pereyê xwe, sînorên xwe û polîtîkaya xwe ya koçberiyê bi xwe bi rê ve bibin."

Lîdera rastgiriya tund a Fransayê Marîne Le Pen jî pêşniyara qutbûna Fransayê ji Yekîtiya Ewropayê kir û got "Dema Frexitê hatiye."