Albûma "Dara Jiyanê" ya koma muzîkê ya Awazê Çiya êdî li Bakurê Kurdistanê û Tirkiyeyê bi rêya Spotify nikare bê guhdarîkirin. Sedema wê jî biryareke Dadgeha Ceza ya Sûlhê ya 4'emîn a Enqereyê ye.
Dadgehê bi biryara bi hejmara 2025/8842 re, li gorî xala 8/A a Qanûna bi hejmara 5651 (Qanûna Înternetê) qedexe kir ku albûm li ser Spotify bê guhdarîkirin.
Piştî ku Saziya Teknolojiyên Ragihandinê û Agahiyê ya Tirkiyeyê biryar ji Spotify ragihand, albûm li Tirkiyeyê hate astengkirin.
Albûma "Dara Jiyanê" îsal di 15'ê Tebaxê de hatibû weşandin. Wê rojê ji malpera YouTube ya Med Hunerê hatibû parvekirin û piştre weke CD jî hatibû weşandin.
