Protestoyên li Îranê ku 28'ê Kanûnê destpê kirin û bi daxwazên li dijî rejîmê mezin bûn, di roja 13'emîn de li seranserê welêt belav bûn. Bi sed hezaran kes beşdarî çalakiyên bi şev bûn.
Di 28’ê Kanûnê de li dijî krîza aborî li Îranê çalakiyên protestoyî dest pê kirin û piştre çalakî bi daxwaza azadiyê berdewam kirin. Protesto, di roja 13’an de berdewam in. Şevê din jî ji her çar aliyên Îranê bi sedhezaran kes daketin qadan. Xelkên eyaletên Gîlan, Fars, Azerbeycana Rojava û Kurdistanê doh di tevahiya şevê de li kolanan bû û bi dirûşmên “Ji dîktator re mirin” û “Azadî” berz kir.
Bûyerên şevê din rû dan wiha ne:
* Protesto, li gelek deverên eyaleta Gîlanê berdewam in. Gel, li gorî banga greva giştî tevgeriya û dikanên xwe venekir. Li bajarê Reştê girseyê agir berda kolanan.
* Li semta Chitgarê ku yek ji cihên navendî yên Tehranê ye, welatiyan li dijî Humeynî dirûşm berz kir û meşeke girseyî li dar xist.
* Li gelek bajarên eyaleta Karajê ku piraniya wan Fars û Elewî ne, gel dakete kolanan.
* Çalakiyên protestoyî yên li bajarên Îlam û Kirmaşanê ku bûne sembolên protestoyan jî her ku diçe mezintir dibin. Bi hezaran kesên daketin kolanan bi dirûşma “Bimre koletî” meş li dar xist.
* Li bajarê Tebrîzê ku yek ji bajarên herî girîng ê Azerbaycana Rojava ye, bi hezaran kes daketin qadan.
* Li Tehranê ku protesto ji ewil li wir dest pê kirin, bi beşdariya deh hezaran kesan meş hat lidarxistin.
* Jinan, di çalakiyan de wêneyên Xamaney şewitandin û çalakî dan destpêkirin. Li gelek bajaran wêneyên Humeynî hatin şewitandin.
* Li gelek bajaran wesayîtên hêzên rejîmê hatin şewitandin û li Tehranê avahiyên Tehranê dan ber agir.
