Li gorî medyaya Îranê, Berpirsê Hêza Deryayî yê Muxafizên Şoreşê  Zarî Mihemed Ekberzade ragihandiye, Tengava Hurmuzê niha bi temamî dibin kontrola wan deye û keştiyek ku hewl bide derbaz bibe, wê bibe hedefa wan.

Tengava Hurmuzê ku Kendava Basrayê bi Kendava Omanê û deryayên vekirî ve girêdide wekî rêyek avê ya stratejîk tê zanîn ku beşek girîng a bazirganiya petrolê ya cîhanî ji wir derbas dibe. Pispor diyar dikin ku girtina tengavê dikare di bazarên cîhanê rê li ber guherînên cidî veke û di serî de wê aboriyên pêşkeftî yên ku girêdayî enerjiyê ne bihejîne.