Navenda Çavdêriya Mafên Mirovan a Sûriyeyê (SOHR) ragihand ku li bajarê Şedadê yê li başûrê Hesekê di êrişeke çekdarî de zarokek hat kuştin û bav û birayê wî hatin birîndarkirin. 

Li gorî SOHR'ê êriş li nêzî baregeha leşkerî hat kirin û zarok di cih de jiyana xwe ji dest da û bav û birayê wî jî veguhastin nexweşxaneyê. Hin şêniyan, hêzên hikumeta demkî yên li baregehê tawanbar kirin ku êriş ji aliyê wan ve hatiye kirin.