Fermandarê Giştî yê QSD'ê Mazlûm Ebdî der barê şehadeta Salih Muslim de peyama sersaxiyê weşand û got, "Bavê Welat dostekî nêz û welatparêzekî Kurd ê hêja bû. Em ê şopa şehîdê doza gelê Kurd Bavê Welat bidomîn, heta hêviyên wî bi cih bînin."
Fermandarê Giştûî yê Hêzên Sûriyeya Demokatîk (QSD) Mazlûm Ebdî der barê şehadeta ji pêşengên siyasî yên Şoreşa Rojava û siyasetmedarê Kurd, Endamê Desteya Serokatiyê ya Partiya Yekîtiya Demokratîk (PYD) Salih Muslim de peyamek li ser hesabê xwe yê X'ê de parve kir.
Mazlûm Ebdî di peyama xwe de got: "Me bi dilêşî û xemgîniyeke mezin agahiya koça dawî ya Endamê Desteya Hevserokatiya PYD'ê Salih Mulsim bihîst. Bavê Welat, bavê şehîdekî, dostekî nêzî, pêşengekî mezin, siyasetmendar û welatparêzekî Kurd ê hêja bû. Bavê Welat di 40 salên borî de rolekî mezin di têkoşîna azadiya gelê Kurd de list û gelek caran ji aliyê Baasê ve hate girtin û sûrgûnkirin. Her wiha Bavê Welat di şoreşa Rojavayê Kurdistanê de rolekî pêşeng list. Em ê şopa şehîdê doza gelê Kurd Bavê Welat bidomîn, heta hêviyên wî bi cih bînin. Serê malbatê, PYD û yê gelê Kurd sax be."
