Meclîsa Malbatên Şehîdan ji bo şervanê QSD`ê Hemûdî ( Mihemed Behaa El Ebûd) merasîma xiyabî lidar xist. Şervanê QSD`ê Hemûdî di 7`ê Kanûna (2024) an li Minbicê şehîd bibû.
Merasîm li pêşiya dibistana Mecdel El Şemis bi beşdarbûna endamên saziyên civaka sivîl, nûnerên partiyên siyasî û şêniyan bi deqeyek rêzgirtin destpê kir.
Bi navê Meclîsa Malbatên Şehîdan ya Tirbespiyê Mihemed Zekî axivî û diyar kir ku şehîd ji bo wan canê xwe feda kirine û got, “Lewra divê em xwedî li fedekariya wan derkevin.”
Mihemed, da zanîn ku ew ê her dem şopdarê riya şehîdan bin.
Ji Endamên Meclîsa Leşkerî Mihmed Zêdan, jî destnîşan kir ku ew ê çeka hevreyên xwe ên şehîd li erdê nehêlin.
Zêdan got: "Ji bo gelê me, çi were xwestin em her dem amade ne ku parastina wan ji her êrîşan bikin. Ev erkeke dikeve ser milê me. "

Endama Kongra Star Munteha El Meter, diyar kir ku ew ê xwedî li destkeftiyên ku şehîdan bi dest xistine derkevin û têkoşîn û berxwedana xwe xurtir bikin.

Di dawî de wesîqeya şehîd hat xwendin û radestî malbatê hat kirin.