Cenazeyê siyasetmedar û endamê Desteya Hevserokatiya PYD’ê Şehîd Salih Muslim ku bi merasîmekî girseyî hat oxirkirin, li gundê Şêranê hat pêşwazîkirin. Cenazeyê Muslîm wê sibê li Kobanê were veşartin.
Bi hezaran şêniyên bajarê Kobanê cenazeyê siyasetmedarê Kurd û Endamê Desteya Hevserokatiya Partiya Yekitiya Demokratîk (PYD) şehîd Salih Muslim li gundê wî yê Şêran pêşwazî kir.
Vê sibehê, bi hezaran şêniyên Rojava bi Kurd, Ereb û Suryan û pêkhateyên din, cenazeyê şehîd Salih Muslim oxir kir. Merasîma oxirkirinê ji aliyê Meclisa Malbatên Şehîdan a bajarê Qamişloyê ve li Stadyuma Şehîdên 12'ê Adarê pêk hat û cenaze ber bi Kobanê ve hat birêkirin.
Wê sibe cenazeyê şehîd Salih Muslim li Pakrewangeha Şehîd Dicle Kobanê bi girseyî were definkirin.
