Hêzên Parêzvanên Nîştimanî yên Siwêdayê der barê êrişên hêzên hikumeta veguhêz de îro daxuyaniyek weşand.

Di daxuyaniyê de hate gotin, hêzên hikumeta veguhêz di saetên dawîn de êrişên xwe domadin û li eniyên rojavayê Siwêdayê binpêkirin kirin.

Di daxuyaniyê de hate destnîşankirin ku hêzên hikumeta veguhêz duh sibeha (15 Mijdar 2025) bi dijwarî û bi awayekî ketober êrişî derdora girtîgeha sivîl kir, di encamê de 2 wesayîtên sivîlan bi zerar bûn.

Di dewama daxuyaniyê de hate ragihandin ku hemwextî êrişa li derdora girtîgehê, bajarokên Necran û Mecdel ên rojavayê bajar dem dem hatin topbarankirin.

Hêzên Parêzvanên Nîştimanî da zanîn ku ji aliyên Mensûra û Rîma Hazir ve jî êriş li ser gelek nuqteyên wan hatine kirin û diyar kir ku armanc ji vê êrişê jî ew e eniyan mijul bike û rêyên ketina herêmê ji xwe re vekin.

Hêzên Parêzvanên Nîştimanî ragihand ku wan bersiva hemû êriş û hewldanên ketina bajarê Siwêdayê têk birin. Her wiha da zanîn ku wê parastinê şêniyên herêmê bidomînin.