Nayê zanîn ku sivîlên hatine revandin bi ku ve birine û aqûbeta wan çi ye. Ji dema dagirkirina Efrînê ve, çeteyên dagirkeriya dewleta Tirk sivîlan direvînin da ku li şûna berdana wan pere ji malbatên wan bixwazin.

Çavkaniyan navên çend kesên hatin revandin diyar kirin û navên wan jî wiha ne: Elî Hesen, Xelîl Mihemed, Elî Çelqî, Sefwan Osman, Neçiran Heydo, Rokan Misto, Elî Îbrahîm, Ednan Cencî û Osman Îbrahîm.

DI NAVA DU MEHAN DE ZÊDEYÎ 500 KES HATIN REVANDIN

Di 29'ê Tebaxê de jî li gundê Qestel Xidriya yê navçeya Bilbilê ya Efrînê 5 sivîl hatibûn revandin. Di nava du mehan de herî kêm 500 sivîl li Efrînê hatin revandin.