Cîgirê Sekreterê Yekîtiya Ereban Husam Zekî ragihand ku di vê hefteyê de Yekîtiya Ereban wê li ser hinek mijarên welatên Ereb yên weke krîza Suriye, Yemen, Lîbya, Iraq û destwerdana Tirkiye û Îranê bicive.

Cîgirê Sekreterê Yekîtiya Ereban Husam Zekî diyar kir biryar dane ku li ser êriş û destwerdana Tirkiyeyê û binpêkirina serweriya Iraqê guftûgo were kirin.

Duh Cîgirê Wezîrê Derve yê Iraqê, ji bo tevlîbûna civîna Yekîtiya Ereban çûbû Cezayîrê.

Wezareta Derveya Iraqê li ser serdanê daxuyanî da û ragihand ku duh Cîgirê Wezîrê Derve yê Iraqê li gel hinek wezîrên derve yên welatên Ereb civiyaye, mijar û bernameya civînê nirxandine.