- Êrişên dagirkeriyê yên artêşa Tirk û PDK'ê û bûyerên li ser mijarê wê werin şopandin.

- Gelê Kurd ku Newroza îsal weke 50'emîn Newroza Rêbertî û Partiyê pêşwazî dikin, li Kurdistanê û gelek bajarên cîhanê wê pîrozbahiyên mezin li dar bixe.

- Endama Fermandariya Biryargeha Navendî ya HPG'ê Gulistan Gulhat li pîrozbahiya Newrozê axivî û got, "Em ji her demê bêhtir amade ne ku azadiya gelê Kurd û azadiya gelên herêmê misoger bikin."

- Gerîlayên HPG û YJA Starê Cejna Newrozê li Herêmên Parastinê yên Medyayê bi coşeke mezin pîroz kirin.

- Ji Rûspiyên Êzdiyan Xelef Qasim bal kişande ser girîngiya Newrozê ji bo Êzdiyan û got, "Newroz cejna êgir e, agir jî yê Tawizî Melek e. Ji ber vê em dikarin bibêjin Cejna Newrozê cejna Tawizî Melek e."

- Brûsk Amed bal kişand ser tecrîda giran a li ser Rêberê Gelê Kurd Abdullah Ocalan û got, "Erkê her kesî ye ku bi ruhê Newrozê xwedî li Rêber Apo derkeve. Lewma divê em sala nû bikin sala misogerkirina azadiya fîzîkî ya Rêber Apo."

- Tevgera Şoreşger a Yekbûyî ya Jinan bang kir ku bi coşa 8'ê Adarê biherikin qadên Newrozê.

- Silêman Êdî di Newroza 1986'an de ji aliyê hêzên Baas ve hatibû qetilkirin. Malbata Silêman Êdî diyar kir ku ew bi xwîna şehîdan gihîştine vê astê.

- Lîderê Partiya Karker a Îngilistanê Keir Starmer anî ziman, ku ji ber nasnameya neteweyî cihêkarî li Kurdan tê kirin û xwest,  Newroz bibe wesîleya aştî, aramî û demokrasiyê ji bo Kurdistanê û Rojhilata Navîn.