Destûr nayê dayîn ku malbatên girtiyan bi armanca piştevaniya bi girtiyan re li ber Girtîgeha Jinan ya Bakirkoyê çalakiya birçîbûnê ya 3 rojan pêkbînin. Polîsan derdorê girtîgehê dorpêçkiriye, bi sedan malbat li ser rêya tê girtîgehê hatin rawestandin.

Destûr nayê dayîn ku çalakiya birçîbûnê ya 3 rojî ya di pêşengtiya Meclîsa Jinan ya BDP’a Stenbolê de ku ji bo balê bikişînin ser çalakiya birçîbûnê ya bêdem û dorneveger ya di roja 43’mîn de ye û her wiha ji bo piştevaniya bigirtiya re û daxwazên wan bên pejirandin li ber Girtîgeha Bakirkoyê bidin destpêkirin. Polîsan hemû rêyên diçin girtîgehê girtin û rojnamevan jî di nav de destûr nadin tu kes biçe ber girtîgehê. Derdorê girtîgehê ji aliyê wesayîtên zirxî û polîsan ve hatiye dorpêçkirin. Polîsan bersiva “Ji Walîtiyê biryar heye, em destûr nadin tu kes bikeve hundir.”

Parlementera BDP’ê ya Stenbolê Sebahat Tuncel, Hevseroka BDP’a Stenbolê Asiye Kolçak, malbat û rêveberên BDP’ê li ser rêya diçe girtîgehê kombûne.